Euskadik Hego Korean ordezkaritza komertziala inauguratu eta hidrogenoaren euskal estrategia azaldu du
Mikel Amundarain Industria sailburuorde eta Basque Trade and Investment Nazioartekotzeko Euskal Agentziako presidentea buru duen ordezkaritzak misio instituzional eta enpresariala egin du azaroko azken astean Seulera, eta aste honetan bertan, merkatu honetan behar eta interes komertzialak dituen euskal enpresari zerbitzua emango dion ordezkaritza komertzial berria inauguratu du.
Industria sektore ikuspegitik, Hego Korea bazkide garrantzitsua izan daiteke Euskadirentzat teknologia eta berrikuntza eremuetan erreferentea baita, eta Euskadik bertan presentzia izateko eta lehiatzeko interesa du, lehiakortasuna garatzeko aukera moduan.
Intereseko eta aukera-eremuak kontuan hartuta, elkarrekin hazteko moduko aliantzak bultza daitezkeen sektoreak detektatu dira. Euskal ordezkaritzak agenda bat garatuko du hidrogeno berdearen sorkuntzaren, erdieroaleen fabrikazioaren eta bioteknologiaren inguruan.
• Hidrogenoaren ekonomia sustatzen duen erakunde publiko-pribatu da non hidrogenoa ekoizten, biltegiratzen, hornitzen eta erabiltzen laguntzen duen.
• Doosan corporation. Hidrogenozko erregai-pilekin energia sortzeko instalazioa da Daesan Green Energy enpresak eraikia.
Asia-Pazifikoko eskualdeak interes ekonomiko handia pizten du, Asia izango baita Euskadiko sektore estrategiko gehienetan etorkizunean hazkunde ekonomiko handiena izango duen munduko eskualdea. Halaber, munduan inbertsiorik handienak egingo ditu energia, sare elektrikoak, makina-erreminta, telekomunikazioak eta arlo soziosanitarioa sortzeko.
Korearen kasuan, eskaera sofistikatua eta egonkortasun ekonomiko eta erregulatzailea aurkeztu ditu. Era berean, euskal ekonomiarekin duen osagarritasunagatik eta negozioetarako erraztasunagatik nabarmentzen da.
Iturria: Irekia Eusko Jaurlaritza - Gobierno Vasco (euskadi.eus)
