Hidrogeno berdea sortu, biltegiratu, garraiatu eta merkaturatzeko proiektuak sustatzen dituen HY.FIVE HYDROGEN enpresa BH2Cn sartu da

“BenortH2: hidrogeno berdearen Bizkaiko instalazioa” deritzon proiektuaren garatzaile eta bazkide nagusi bezala egin du. Instalazio hau aitzindaria izango da lehendik zeuden energia-instalazioetara egokitu eta deskarbonizatzeko, eta industriarako zein mugikortasunerako beste hidrogeno-erabilera batzuekin integratzeko. Proiektu honetan, HY.FIVE HYDROGENek lankidetzan dihardu Bizkaia Energiarekin (azpiegitura, offtakerra), CCIrekin (merkaturatzea), Nortegasekin (gasaren banaketa-sarearen operadorea), Garbikerrekin (hidrogenoaren mugikortasun arloko erabilera), Senerrekin (ingeniaritza) eta White Summit Capital-ekin (finantza-egituraketa, HY.FIVEren akziodun bakarra).

BenortH2 proiektua Bizkaia Energiak Amorebieta-Etxanon dituen Ziklo Konbinatuko instalazioetan kokatuta dago, eta hidrogenoa elektrolizagailuen bidez ekoizten du, biltegiratu, konprimitu eta amaierako offtaker-ei banatzeko sistema barne. Kontsumitutako elektrizitatea PPA birtual batez sarera hornitutako energia-iturri berriztagarriena izango da, eta sortutako hidrogeno berdea Ziklo Konbinatua deskarbonizatzeko erregaitzak erabiliko da gas naturalaren ordez, baita mugikortasunean eta tokiko industrian ere. Proiektuak hiru fase ditu:

- 1. fasea: 3.500 kg H2 biltegiratzeko gaitasuna duten elektrolizagailuak (5 MW), Ziklo Konbinatuko nahiz ibilgailu astunen flota pribatuetako kontsumoa estaltzeko.

- 2. fasea: Zikloa Konbinatuko kontsumoa areagotu eta inguruko beste bezero industrial batzuei zein mugikortasun arlokoei zerbitzua emateko elektrolizagailuak (15 MW).

- 3. fasea: Urtean beste erabilera batzuei eta esportazioei zuzendutako 16.000 tona hidrogeno berriztagarri inguru ekoizteko elektrolizagailuak, (200 MW).

Ondorengo fase hauetan, inguruko industriarekin lankidetzan jardutea aurreikusi da kontsumoa egokitu eta eskari berria sortzeko, eta garraio-floten nahiz ibilgailu berezien birmoldaketan laguntzeaz gain, hidrogenoa banatzeko azpiegitura berrietan inbertituko da, ibilgailuen birkargarako hidrogeno-hornitegiak, bezeroentzako entrega zuzenak edo birtualak, eta gas naturalarekiko blendinga banatzeko Nortegasen sareari lotutako duktua tarteko direla.

BenortH2 ezaugarri horiek dituen hidrogeno berdea ekoizteko lehen instalazioa da Euskadin eta Espainian.

BH2C elkartearen barruan, BenortH2 proiektua 1. Bertikalari (Ekoizpena) atxikita dago