Sarralle 2023an hasiko da hidrogenoarekin saiakuntzak egiten altzairutegietan
Sarralle ingeniaritza gipuzkoarra, H-Acero proiektuaren buru BH2C Hidrogenoaren Euskal Korridorearen bultzatu duten sektoreko euskal enpresa handiekin batera (ArcelorMittal, Tubacex, Tubos Reunidos, Sidenor eta Nervacero), lantegi bateko gas-kontsumoan % 80 aurreztea ekarriko lukeen berotze-labearen prototipo batean lan egiten ari da.
Partzuergo honek hidrogeno berdea baino erabiltzen ez duen koilara-berogailu bat martxan jartzea lortu du dagoeneko (bertan egiten da metalaren garraioa). Hauxe da birberotze-labearen prototipo bat lortzeko bidean eman den lehenengo urrats garrantzitsua, izan ere, Sarralle ahaleginak egiten ari da, altzairutegi gehienetako gas naturalaren kontsumoa % 75-80 bitartean murrizteko asmoz.
Itsaso Auzmendi Sarralleko hidrogenoaren arloko negozio-lerroaren arduradunak adierazi duenez, siderurgian hidrogenoa erabiltzeko teknologia errealitatea da jadanik, eta den-dena laborategian frogatuta dago. Orain egiten ari diren jauzia industria mailako ekipo siderurgikoei teknologia hori ezartzea da.
Hidrogenoa, giltzarrizko katebegia
Energia garbiko proiektuen aldeko apustua EAEko ingeniaritza handi guztiek egin dute, eta haien artean lehian dihardute hidrogenoaren aldeko lasterketan ere. Sarralleren kasuan, teknologia CO2 isurpenen % 10 inguru eragiten duen altzairuaren munduan aplikatu izanda du abantaila.
Eusko Jaurlaritzaren babes ekonomikoa duen H-Acero proiektuaren barruko ikerketa-lanek bi ildo dituzte: batetik, ekipoetan hidrogenoa gasa ordezkatuz joatea isurpen kutsagarriak saihesteko, eta bestetik, elementu horrek altzairu motei nola eragiten dien aztertzea biltegiratze eta garraioari begira, hori baita eremu honetako zailtasunik handienetako bat. Tubacex edo Tubos Reunidos bezalako hodien fabrikatzaileek hidrogenoari begiratzen diote negozio-iturri berritzat, fabrikazio-prozesu espezifikoak eta erresistentzia berezia duten materialak eskatzen dituzten heinean.
Altzairutegietako ekoizpen-prozesuei dagokienez, martxan jarraitzen du Arcelor Mittalek hidrogenoarekin ekoizteko abian duen proiektuak. Gijonen izango du egoitza nagusia, baina berariazko instalazio bat izango du egun elektrizitatearen kostu altuengatik geldirik dagoen Sestaoko ekoizpen-lantegian. Multinazionalaren kalkuluen arabera, 2025aren inguruan izango du erabat martxan hidrogeno berdearen bidez burdina-minerala zuzenean murrizteko (DRI, ingelesezko siglen arabera) Asturiasko instalazio berria, eta hortik abiatuko da Sestaoko ACBn bobina % 100 ekologikoa fabrikatzeko lehengaia.
Datorren urtean, Sarralle horretarako probak egiten hasiko da, batez ere berotze-labeei erreparatuta. Hilabete hauetan, Gipuzkoako konpainia prototipoen ingeniaritza egiten ari da, eta urte amaierarako prest izatea aurreikusi du, 2023an hidrogenoarekin martxan jarri eta lehen saiakuntzak egiteko asmoz, Auzmendik azaldu duenez. Gainera, Sarralle diseinatzen hasia da altzairutegiak hidrogeno garbia sortzeko ekipamendu propioez hornitzeko soluzioak. Azpeitiko konpainiak Arcelor Mittal bera, Celsa taldea (Nervaceroren jabea), Aceros Olarra eta Sidenor ditu bazkide nagusien artean.
Albisterako esteka: https://www.cronicavasca.com/empresas/sarralle-iniciara-ensayos-con-hidrogeno-en-acerias-en-2023_721010_102.html
Sarrallek urte amaieran amaituko ditu altzairutegietan hidrogenoa erabiltzeko prototipoak, 2023an probak hasteko asmoz
